ASAL USUL SUKU OLE -GAPUN LEWOTANAH OLE
Pembaca cerita asap yang budiman, postingan kali ini saya menyuguhkan asal usul Suku Ole Gapun, suku yang pertama yang hadir di desa Lewotanah Ole kecamatan solor barat kabupaten flores timur, dalam nada TUTU KODA ADAT TANA RAKI EKE KULA.
Bapa nene gene koda. We deka, we helo, wade lodo wade gere.
Lewo ole lama doan, tana doan lama lela.
Lewo maku lama doro, tana keri keka liku
Du tana pira wato, raya ole deka bego ile belen, bolen ago ile du libu tana bubu. Tue Gapun Raya Kia Todo Eme, tue tana doen wuri dani bala, du libu tana bubu, tue gapun deka bego. Ua gigo tawa, ua lodo lodi tana, raya gapun ola eme, tue ola tana rua. Ole deka nei belero redo tana tutu, ole tugu tana ta'a. Ole ne'e wai nora take. Gapun bego keleka deka eken gole, gapun balo wato mege. Dei neme siru-niru, pae nee sape rape. Ina lali sule tana raki, besi ago tana helen buli yone, tana lali rame ne genene. Ina tane ketipa repa pito, bapa teti gire kelen petala. Pake kelen tasi kowa aba, bapa buka kelen nee tana tutu, senudu ula naga kote pito.
Raya lali tena nena ketipa lali, go tutu tana goe raki eke. Go kula, go genato ketipa repa pito.
Bapa tue lali mari kir'i, senudu ula naga lali, kelen teti nee kowa ure, go kiri senudu ula naga kote pito lali.
Lewo goe ole lama doan, tana doan lama lela. Lewo go kuda guna tawa, tana lali ye di gere, bala gada lera wule, ole lodo lere tana. Doe deka teti lodo, deka maan guhi gore, lela bego lali gere bego maan tayo leme. Guhi teti lera wulen lodo, tayo lali tana eken gere, deka wato wiri ware, bego tana solo sala. Nebi ama mo tuge tana raki ta'a, kewa yawa hene wato reke mege. Ole lede ba ole, doen sagu aran doen, ole nei bo keleka, tana wengi bo belero, keleka deka eke gole nee tutu tana, belero redo nee ile gole, kehila nee nea eke, nea nee depe tana. Kame ole deka teti kelen lodo, kame gapun bego lali tana gere. Lewo ole lama doan, tana doan lama lela. Raya kia todo eme biho ole lama doan, tana doan lama lela. Raya kia todo eme biho go genato lera wule, tue tana doe wuri dani bala. Tuno go genato tana eke. Lewo goe du te gemeki tana goe pelun te pe umu.
Lera mete nai sule, tana tue ek'e bali. Tutu ro kelake ala, tutu koda nue lewo rae tana raki eke kula. Hobe nobe hele labi lodo duli lali kai, butu pali ali lali, duli wane plati tepa. Seba wai prae mate pito, plali wulu ne plali doro arw, benu rae lolon lema, tuba ro ne tawa. Ade ro ne nai gere, wai ba lali puke, apu tibo teti wutu, wodo gore benu golo, mate nei doen soro raya ole. Tue gapun deka bego ile belen, blero redo tana, keleka deka eke, deka ne wato wiri ware, bego nee tana solo sala, ole nei bo keleka, gapun wekin bo belero. Ole lede be ole, gapun sagu aran doen, tana bubu ata dike, eke beto manusia. Raya ole kia bala wurin, tue yati ola kide. Rolo tobo dei tana eke, lewo puke tana ala, tugu tana hana wato. Ola paku bunga lawe kawa goe kayo yati. Paku tana gadi eke, ile rae woka pito, woka rae soge lema. Ile bure ago sabo, woka kuma li gaya.
Deka lewo honi kebo, ole nee wai nore take, bego tana kuma ebe, gapun ne benu lolo kure. Koda go kepasa aso laki pito. Kiri go gelea welo rone lema. Pito seba wai weli la siru anu, lema gene benu lali anu wai wadan. Rugi pulo duli lali, laba lema wolo weli, horo apu siru niru, apu kube letu mate, niru hene gere lolo.
Bate mete gaka wai, ro mete hute benu, lera lau seran gere patu nodi tawa, apu kube letu mate, wai mara mete, niru hene gere lolo hapo labo. Bine wunga kundawe, nene tupa tapo tonu, nene keleso koli lolon, naa lape lama bue hope wai teti raya lamalaka, naa yati bue belu tare, awe laba teti tue lamahele. Wai weli bala rua, awe laba wai tore laru pito benu lolon lema.
Bapa tue lali mari kir'i, senudu ula naga lali, kelen teti nee kowa ure, go kiri senudu ula naga kote pito lali.
Lewo goe ole lama doan, tana doan lama lela. Lewo go kuda guna tawa, tana lali ye di gere, bala gada lera wule, ole lodo lere tana. Doe deka teti lodo, deka maan guhi gore, lela bego lali gere bego maan tayo leme. Guhi teti lera wulen lodo, tayo lali tana eken gere, deka wato wiri ware, bego tana solo sala. Nebi ama mo tuge tana raki ta'a, kewa yawa hene wato reke mege. Ole lede ba ole, doen sagu aran doen, ole nei bo keleka, tana wengi bo belero, keleka deka eke gole nee tutu tana, belero redo nee ile gole, kehila nee nea eke, nea nee depe tana. Kame ole deka teti kelen lodo, kame gapun bego lali tana gere. Lewo ole lama doan, tana doan lama lela. Raya kia todo eme biho ole lama doan, tana doan lama lela. Raya kia todo eme biho go genato lera wule, tue tana doe wuri dani bala. Tuno go genato tana eke. Lewo goe du te gemeki tana goe pelun te pe umu.
Lera mete nai sule, tana tue ek'e bali. Tutu ro kelake ala, tutu koda nue lewo rae tana raki eke kula. Hobe nobe hele labi lodo duli lali kai, butu pali ali lali, duli wane plati tepa. Seba wai prae mate pito, plali wulu ne plali doro arw, benu rae lolon lema, tuba ro ne tawa. Ade ro ne nai gere, wai ba lali puke, apu tibo teti wutu, wodo gore benu golo, mate nei doen soro raya ole. Tue gapun deka bego ile belen, blero redo tana, keleka deka eke, deka ne wato wiri ware, bego nee tana solo sala, ole nei bo keleka, gapun wekin bo belero. Ole lede be ole, gapun sagu aran doen, tana bubu ata dike, eke beto manusia. Raya ole kia bala wurin, tue yati ola kide. Rolo tobo dei tana eke, lewo puke tana ala, tugu tana hana wato. Ola paku bunga lawe kawa goe kayo yati. Paku tana gadi eke, ile rae woka pito, woka rae soge lema. Ile bure ago sabo, woka kuma li gaya.
Deka lewo honi kebo, ole nee wai nore take, bego tana kuma ebe, gapun ne benu lolo kure. Koda go kepasa aso laki pito. Kiri go gelea welo rone lema. Pito seba wai weli la siru anu, lema gene benu lali anu wai wadan. Rugi pulo duli lali, laba lema wolo weli, horo apu siru niru, apu kube letu mate, niru hene gere lolo.
Bate mete gaka wai, ro mete hute benu, lera lau seran gere patu nodi tawa, apu kube letu mate, wai mara mete, niru hene gere lolo hapo labo. Bine wunga kundawe, nene tupa tapo tonu, nene keleso koli lolon, naa lape lama bue hope wai teti raya lamalaka, naa yati bue belu tare, awe laba teti tue lamahele. Wai weli bala rua, awe laba wai tore laru pito benu lolon lema.
Komentar
Posting Komentar